Zindagi Ye Nahi Hai Kisi Ke Liye Naat Lyrics (KALAM E TAJUSHSHARIAH)

Zindagi yeh nahi hai kisi ke liye
Zindagi hai Nabi ki Nabi ke liye

Nasamajh marte hai zindagi ke liye
Jeena marna hai sab kuch Nabi ke liye

Chandni char din hai sabhi ke liye
Hai sada chaand Abdun Nabi ke liye

Anta Feehim ke daaman me munkir bhi hai
Hum raha Ishrat e Daaimi ke liye

Aayshh kar lo yaha munkiro chaar din
Mar ke tarso ge iss zindagi ke liye

Daag e Ishq e Nabi le chalo qabr me
Hai Charaag e Lahad roshni ke liye

Naqshe Paa e Sagaan e Nabi dekhiye
Ye pata hai bohat Rahbari ke liye

Maslak e Ala Hazrat Salamat raha
Ek pehchan Deen e Nabi ke liye

Maslak e Ala Hazrat pe Qaaim raho
Zindagi di gayi hai Isi ke liye

Sulh e Kulli Nabi ka nahi sunniyo
Sunni muslim hai saccha Nabi ke liye

Wo bulaate hai koi yeh aawaz de
Dam me jaa pahuchu mai haaziri ke liye

Aey Naseem e Saba un se keh de shaha
Muztarib hai Gadha Haaziri ke liye

Jin ke dil mein hai Ishq e Nabi ki chamak
Wo taraste nahi chandni ke liye

Jin ke dil me hai jalwe tere Ishq ke
Wo hai Najm e Zamaan roshni ke liye

Akhtar e Qadri khuld mein chal diya
Khuld waha hai har ek Qadri ke liye